Яз фасылы 18 яшьтән алып 44 яшькә кадәрге кешеләр өчен катлаулы чор булырга мөмкин, чөнки алар «язгы арыганлык» синдромын башкаларга караганда ешрак кичерә. Психолог Анастасия Лсакова «Радио 1» белән әңгәмәдә, моның сәбәбе – актив социаль тормышта, һөнәри амбицияләрдә һәм кояшлы көннәрдә шәхси бәхеткә омтылуда, дип сөйләде.
Эксперт язын социаль җаваплылыкның көчәюен табигатьнең уянуы белән бәйли. Ул шулай ук эмоциональ халәтне яхшырту өчен еларга кирәклеген билгеләп үтә. «Күз яшьләре – психика өчен душ кебек», – ди ул.
Әгәр балачакта яз җиңеллекне һәм җәй көтүне символлаштырса, 40 яшькә ул тормыш кыйммәтләрен бәяләү чоры булып тора. Эшне югалту, аерылышу яки төрле бәхәсле хәлләр борчылуны көчәйтергә мөмкин. Лсакова үз-үзеңә күңелсезләнергә рөхсәт итәргә киңәш итә, ләкин бу – 2 атнадан да озаграк дәвам итәргә тиеш түгел. Әгәр мондый халәт озакка сузыла икән инде, белгечкә мөрәҗәгать итәргә кирәк.
Свежие комментарии