Мәктәптә дәрес вакытында 8 сыйныфта укучы малайның хәле киткән дә үлгән

Бурятиядә мәктәптә дәрес вакытында 8 сыйныфта укучы малай үлә. Бу турыда РЕН ТВ хәбәр итте.

Фаҗига Иволгинский районында була.

Төбәк буенча Тикшерү идарәсе белешмәсе буенча, дәрес вакытында баланың хәле китә. Укытучы табиблар чакыра. Алар реанимация чараларын башкара, ләкин файдасы булмый.

Җинаять эше ачылган.

Хәзер тикшерү эшләре бара, диелә хәбәрдә.

«Комсомольская правда» белешмәсе буенча, малай сәламәт булган, баскетбол белән мавыккан. Социаль челтәрләрдә баланың үлеме сәбәпләрен фаразлыйлар. «Соңгы вакытта беркем белән сугышмады, сәламәт иде», – дип язалар.

Моны «Комсомолка»га тикшерүчеләр дә раслаган. «Якынча белешмә буенча, мәрхүм бала яхшы яктан сыйфатлана, спорт белән мавыккан. Иртәгә, 19 декабрьдә, баскетбол турнирында катнашырга җыенган», – дигән хокук саклаучылар.

Тикшерү эшләре бара, видеокүзәтү камерасы язмаларын өйрәнәләр, экспертизалар билгеләнгән, диелә хәбәрдә.