«Бу рецепт белән ясалган икра бик тәмле килеп чыга. Минем икраны бик күп төрле рецептлар белән ясап караганым бар, ләкин бу иң тәмле, ышанычлы ысул», – ди тәҗрибәле бакчачы Рәмзия Әхмәдуллина. Бу турыда «Шәһри Чаллы» сайтында хәбәр ителә.
Икра ясау өчен 3 кг ташкабак, 0,8 кг суган, 0,8 кг кишер, 1 стакан үсемлек мае, 1,5 аш кашыгы тоз, 2,5 аш кашыгы шикәр комы, 4 аш кашыгы 9 процентлы аш серкәсе, 1 чәй кашыгы төелгән кара борыч, 1 аш кашыгы паприка (төелгән баллы борыч), 2-3 кашык томат пастасы, 5 теш сарымсак кирәк була.
Башта яшелчәләрне бераз гына кыздырып алырга, аннары 30 минут каплап пешерергә. Тоз, шикәр комы, 3 аш кашыгы аш серкәсе, томат пастасы, кара борыч, паприка, сарымсак салырга һәм кабат 30 минут пешереп алырга. Соңыннан бу массаны блендер белән вакларга. Шуның өстенә 1 аш кашыгы уксус салабыз.
Стерильләштерелгән банкаларга тутырырга. 700 граммлы 5 банка икра чыга.
Свежие комментарии