Редакциядә бүлмәдәше, шагыйрь, Татарстанның атказанган сәнгать эшлеклесе Рафис Корбан:

– Сөйләргә дә бик авыр, кичә авылда эшләп ята идем, шалтыратып, әлеге хәбәрне әйткәч, кулдан бөтен эш төшеп китте. Искиткеч, гаҗәп, без 3 ел аның белән бергә әти белән кыз, абый белән сеңел шикелле бер җан булып яшәдек дип әйтсәм дә була. Ул корректор гына түгел иде. Миндә сорау туса, аңардан сорыйм, ул миннән сорый, шулай уртаклашып бергә эшләдек. Мин хәзер ялдан чыккач, буш бүлмәгә эшкә килеп керәм. Моны әлегә күз алдына китерә алмыйм. Аны алмаштырырлык тагын кем булыр икән...

Бу – минем өчен зур югалту, бәхил бул, Лилия. https://intertat.tatar/news/beznen-boek-yazucylarybyz-kup-dip-aiterga-yaratabyz-lakin-alarny-boek-ituce-liliya-ide-5866304