<p>Фирдүс Тямаевның Сабантуйларда төрле кәмитләр ясау тәҗрибәсе бар инде. Моннан берничә ел элек җырчы Буа Сабантуенда суга сикергән иде. Аның артыннан, кызып алган тамашачысы да, берәм-берәм су керә башлады.</p> <p>Җырчыга бу алым ошап киткән бугай. Элекке «трюк»ларын ул быел да кабатларга булган.
Саба районы Явлаштау авылы Сабан туенда Фирдүс өр-яңа концерт костюмнары белән күлгә сикергән.</p> <p>«Тирәнме анда?»- дип сораган була ул башта. Мәйданнан «2 метр тирәсе» дигәннәре ишетелә. «Ю-юк, кирәкми, не надо. Буада сикергәч тә мине «исерек» диделәр. Мин пока айныйк әле» дип ялындырган була ул, һәм. күп уйлап тормыйча, күлгә чума. «Әйдәгез, авылча су кереп алабыз», – дип, халыкны да үзе белән су керергә чакыра. Ләкин бу юлы аның артыннан иярүчеләр табылмый. Халык: «Фирдүс, Фирдүс», – кычкырып, җырчыга көч биреп тора, аны иң уңышлы концертларындагы кебек алкышлый.</p> <p>Алга таба Сабантуй концертын җырчы юеш киемнәр белән дәвам итә.</p> <p>Фирдүс Тямаев су кереп чыкканнан соң рәхәт булып китүен, бөтен арганлыклары бетүен дә искәрткән.</p> <div class="ckeditor-html5-video" data-responsive="true" style="text-align: center;"> </div> <p> </p>
Свежие комментарии