Җырчы Рөстәм Галиев бу көннәрдә «Туган тел» телеканалы оештырган тамашада чыгыш ясаган. «Рөстәм Галиев – элегантлык һәм сәхнәгә тугрылык эталоны», – дип бәя бирәләр аңа, социаль челтәрләргә җырлаган видеосын куеп.
Күпләрнең Рөстәмнең әлеге яңа җырын ишеткәннәре булмаган икән. Тамашачылары аңа бик матур җыр сайлавы һәм тавышының да искиткеч булуы турында язып калдырганнар.
Алар арасында Рөстәмнең элекке хатыны Ләйлә Галиева да бар. Ул Рөстәмгә уңышлар теләп комментарий калдырган. Менә шуннан соң халыкның игътибары тулысынча диярлек Ләйләгә юнәлгән. Алар Ләйлә белән Рөстәм Галиевның аерылышканнан соң да яхшы мөнәсәбәтләрдә калуына сокланганнар.«Сезне хөрмәт итәм. Аерышкач та тавышланып йөрмәдегез»;
«Ләйлә, сокланам сезгә. Сез нинди зирәк, тәрбияле, игелекле кеше»;
«Сездән башка Рөстәмнең үзен генә тыңлыйсы килми шул. Сез – искиткеч», – дип язалар Ләйләгә.
- «15 ел бергә яшәдек!» – Ләйлә һәм Рөстәм Галиевлар аерылышкан
Свежие комментарии