Эш бирүче хезмәткәрләргә эш урынында чәй эчүне тыярга хокуклы. Бу очракта хезмәткәрләрнең төшке аш вакытында эш урыныннан китә алу мөмкинлеге булырга тиеш, дип хәбәр итә РИА «Новости» юрист Ольга Владимировага сылтама белән.
«Компания офиста үз-үзеңне тоту кагыйдәләрен кертергә, шул исәптән эш урынында чәй эчүне тыярга да хокуклы.
Әгәр хезмәткәрнең төшке аш вакытында эш урыныннан китү мөмкинлеге булса, мондый тыюны билгеләргә мөмкин», – диде Владимирова.Белгеч сүзләренчә, хезмәткәрнең ашау өчен башка вариантлары юк, ә эш урынында ашаган өчен аңа дисциплинар җәза салына икән, мондый тыю хокуксыз була.
Владимирова әйтүенчә, кайбер җитештерү биналарында ашау закон буенча тыела. Ә аерым предприятиеләрдә ашау өчен бүлмәләр булдыру санитария нормалары белән билгеләнгән, дип өстәде.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии