Чаллыда БСМПның травмпунктында 85 яшьлек әбинең уч төбеннән бәрәңге зурлыгында шеш кисеп алганнар. Бу шеше аның кулында 13 ел буе үскән.
Хатын-кыз сүзләренчә, шеш булгач бәрәңге әрчүе кыенлашкан. Травмпункт мөдире Сергей Алексеев бу шешенең липома булуын шундук аңлый. Бу яман шеш түгел, ул артык май тукымаларының туплануы һәм тыгызлануы аркасында үсә.
Шеш нәкъ тире астында була, тик «тәпие» озын була һәм сеңергә кадәр үк төшкән була. Бу исә операцияне катлауландырган. Әмма хирург барысын да төгәл һәм профессиональ эшли – анестезия ясый, тирене кисә, шешне чыгара, яраны тегә.
Операция 25 минут бара. Табиблар шешне гистологик тикшерүгә җибәргән, дип яза телеграмда KazanFirst.
Свежие комментарии