Узган төндә Вознесенксий трактының түләүле участогында, М-7 трассасына таба барганда юл һәлакәте булган. Биредә Renault һәм Porsche машиналары бәрелешкән. Бу турыда «Татарстан 24» хәбәр итте.
Renault тимер-томыр өеменә әверелгән, йөртүчесен хастаханәгә алып киткәннәр. Машина ике кисәккә өзелгән, диелә бу хәбәрдә.
Якынча белешмә буенча, авария Porsche йөртүчесе гаебе белән килеп чыккан, ул бик исерек булган. Шаһитлар сүзләренчә, ул бик зур тизлектә бара һәм Renault машинасына бәрелеп китә, Renault әйләнеп барып коймага бәрелә. Бәхеткә, йөртүчесе исән кала.
Шаһитлар сүзләренчә, Porsche йөртүчесе аягында чак кына басып тора. Аны ЮХИДИ хезмәткәләре тоткарлаган, диелә хәбәрдә.
Свежие комментарии