Күптән түгел Британия актеры Джуд Лоуның француз режиссеры Оливье Ассайасның «Кремлевский волшебник» картинасында Россия Президенты Владимир Путинны уйнаячагы билгеле булды. Фильм төшерүдән беренче кадрлар инде барлыкка килде – алар Латвиядә уза. Видеода Владимир Владимирович образында 52 яшьлек Джудны күрергә мөмкин.
«Чибәркәй! Ерактан бик охшаган!»; «Бу фильмны бик күрәсе килә!»; «Аңа зур хөрмәт насыйп булды!»; «Кайдадыр Владимир Путинны уйнарга хыялланган бер Лео Ди Каприо елый»; «Джуд Лоу безнең Сергей Безруков кебек түгелме?!»; «Лоу – катлаулы күп планлы рольләрне бирергә сәләтле актер. Актерны сайлау өметләндерә», – дип фикер йөртә комментаторлар.
«Йолдыз» үзе берничә ай элек интервью биргән, бу рольне үзе өчен бик катлаулы булуын таныган. «Хәзер бу – Эверестка менүгә охшаган. Мин тау итәгендә басып торам да: «Йа Хода, мин нишлим?“ Миңа ниндидер яңа әйбер тәкъдим итүләре, мине үз-үземнән тагын да ераграк алып китә торган рольләрдә төшәргә мөмкинлек бирүләре ошый», – дип уртаклашкан Лоу хис кичерешләре белән.
Свежие комментарии