Татарстандагы авылларның берсендә кичке утыру фаҗига белән тәмамланган. «KazanFirst» хәбәр иткәнчә, Актүбә бистәсендә ир белән хатын кич утырырга дусларын чакырган.
Табын артында утырганда алар алкогольле эчемлекләр эчә. Беркайда да эшләмәүче 40 яшьлек хатын һәм аның 34 яшьлек ире арасында бәхәс чыга.
Аннары хатын, пычак алып, иренең йөрәгенә кадый. Ир-ат исән кала, әмма авыр җәрәхәтләр ала. Аны ашыгыч рәвештә хастаханәгә китергәннәр.Хатын үз гаебен таныган. Җинаять эше кузгатылган.
Свежие комментарии