Көчле яңгырлардан һәм салкынча һава торышыннан соң Татарстан бакчачылары үсемлекләрдә соры черек барлыкка килүдән зарлана. Яшел блогер Мария Гарапшина бу авыруны җиңәргә ярдәм итәчәк препаратлар турында сөйләде. Бу хакта «Челнинские известия» яза.
«Нәтиҗәле препаратлар булып «Хорус», «Скор», «Фитоспорин» (порошоклы) санала.
Әгәр инде тутыгу (ржавчина) барлыкка килгән булса, «Бордо сыеклыгы» файдалы. Бу препаратлар барлык җиләк-җимеш, яшелчә культураларына да бик яхшы туры килә. Көчле яңгырлардан соң һичшиксез җирне йомшартырга, мәсәлән, помидорларның төбен йомшартып өяргә кирәк», - дип сөйләгән Мария Гарапшина.Шулай ук, бакчачы сүзләренчә, хәзер комплекслы препаратлар белән тукландыру вакыты. Яңгырлы вакытта ашлама сибәргә кирәкми, чөнки файдалы матдәләр грунттан юылып төшәчәк, диелә хәбәрдә.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии