Мошенниклар алдауның яңа схемасын уйлап тапкан, моның өчен алар йорт чатларын куллана. Җинаятьчеләр «күршеләренә» үзләренә кирәкмәгән техника яки җиһазны бирергә тәкъдим итә, ә аннары язышуда фишинг сылтамаларын җибәрәләр. Бу хакта Эчке эшләр министрлыгы материалларында хәбәр ителә.
«Аферистлар йорт яки район чатларында кирәкмәгән көнкүреш техникасын, мебельне бушлай алырга дигән тәкъдимнәр белән хәбәрләр урнаштыралар.
Кызыксынган гражданнарны ышандырыр өчен, моны раслаучы фото яки видео җибәрелә», – дип хәбәр итә РИА «Новости».Аныкланганча, очрашу алдыннан ялган «күрше» гадәттә әңгәмәдәшенә килешүне курьер аша гына рәсмиләштерә алачагын яза, шуннан соң мәгълүматларны тутыру өчен сылтама җибәрә. Чынлыкта исә бу сылтама аша кергән очракта, мошенниклар телефондагы шәхси мәгълүматларны урлау һәм түләү чараларына керү мөмкинлеген алалар.
Свежие комментарии